Newyddlen Bwrdd Diwydiant Bwyd a Diod Cymru

Mewn ymateb i COVID-19, mae Bwrdd Diwydiant Bwyd a Diod Cymru wedi creu cylchlythyr sy’n crynhoi’r wybodaeth a’r cymorth diweddaraf sydd ar gael i fusnesau bwyd a diod yng Nghymru yn ystod y pandemig ac a fydd ar gael yn ystod y cyfnod adfer ar ei ôl. Mae’n ymdrin â materion ac atebion sy’n gysylltiedig â sectorau penodol ac mae ynddo hefyd erthyglau a gwybodaeth sy’n berthnasol i’r diwydiant bwyd a diod, ynghyd ag erthyglau wythnosol ar safbwyntiau’r diwydiant.    

Cafodd y Bwrdd, sy’n un annibynnol, ei greu er mwyn rhoi llais i’r diwydiant bwyd a diod yng Nghymru, gan bennu cyfeiriad ar ei gyfer, annog busnesau i rwydweithio ac i rannu gwybodaeth, a chynnig cyngor i Weinidogion a swyddogion Llywodraeth Cymru.   

Mae’r cylchlythyr wedi cael ei gyhoeddi’n rheolaidd yn ystod y pandemig COVID-19, ac mae’r rhifynnau cynharach i’w gweld ar Twitter, LinkedIn a thudalen y Bwrdd ar y we.

Rydych wedi nodi yn y gorffennol eich bod yn awyddus i gael cylchlythyr Bwyd a Diod Llywodraeth Cymru ac rydym yn rhoi gwybod ichi am gylchlythyr y Bwrdd oherwydd ein bod yn teimlo y gallai fod o ddiddordeb ichi, yn enwedig yn ystod yr argyfwng sydd ohoni. Os hoffech gael y cylchlythyr, dylech nodi hynny gan ddefnyddio’r ddolen isod. Bydd angen ichi roi’ch cyfeiriad e-bost a byddwch wedyn yn gallu rheoli’ch tanysgrifiadau ar gyfer newyddion a hysbysiadau Llywodraeth Cymru. 

Cofrestru ar gyfer y cylchlythyr