• Newyddion

Newyddion

Gofynion PPE

Mae Llywodraeth Cymru yn gweithio'n agos gyda busnes a diwydiant i gael cyflenwadau o offer critigol gan gynnwys cynhyrchion glanhau a Chyfarpar Diogelu Personol (PPE) i weithwyr rheng flaen sy'n wynebu prinder yn ystod argyfwng COVID-19.

Rydym yn cydlynu’r broses o ddosbarthu offer ledled Cymru ac yn gweithio gyda chyflenwyr i nodi lle y gellir dod o hyd i offer ychwanegol. Am ragor o wybodaeth, ac i roi gwybod inni am eich anghenion, ewch i’n gwefan.

Nodiadau Polisi Caffael

Mae Llywodraeth y DU wedi cyhoeddi dau Nodyn Polisi Caffael ar frys yn ymateb i’r achos o COVID-19. Mae’r ddau Nodyn Polisi Caffael yn cael eu dilyn gan Lywodraeth Cymru ac annogir y sector cyhoeddus yng Nghymru i’w dilyn hefyd.

Maent ar gael yma ac yma (Dolenni allanol - Saesneg yn unig).

Cyfathrebu ynghylch COVID-19   Ni fyddwn yn cyhoeddi cylchlythyr misol arferol y GCC a Gwerth Cymru yn ystod argyfwng COVID-19 (y coronafeirws). Yn hytrach, byddwn yn cyfleu unrhyw wybodaeth frys am y feirws a’i effaith ar gaffael neu ein gweithgareddau drwy’r cylchlythyr pan fydd angen. Rydym yn gobeithio, drwy wneud hynny, y byddwn yn gallu cael gwybodaeth bwysig i chi yn gyflymach.   Os hoffai unrhyw un o'ch cydweithwyr gael eu hychwanegu at y dosbarthiad, gallant ofyn am danysgrifio yma.   Os oes gennych awgrymiadau ar gyfer cynnwys, neu os oes gennych unrhyw gwestiynau, mae croeso i chi gysylltu â ni: COVID-19.Procurement@llyw.cymru.