Paratoi ar gyfer Brexit

Mae llythyr ar y cyd gan Lesley Griffiths, Gweinidog yr Amgylchedd, Ynni a Materion Gwledig, ac Andy Richardson, Cadeirydd Bwrdd Bwyd a Diod y Diwydiant yng Nghymru, yn annog pob busnes bwyd a diod yng Nghymru i barhau i baratoi ar gyfer Brexit.

I wneud hynny, maent yn tynnu sylw at y sianeli canlynol, all gynnig cymorth i fusnesau:

• Mae gwefan Busnes Cymru yn cynnig cyngor cyfreithiol gan Lywodraeth y DU ar y ffordd orau i fusnesau baratoi ar gyfer Brexit, a theclyn hunanasesu i fesur parodrwydd eich busnes ac i gynnig rhagor o gymorth ac arweiniad i chi. Cewch hefyd gyngor gan Llinell Gymorth Busnes Cymru drwy ffonio 03000 6 03000, neu ddarllen y datblygiadau diweddaraf ar Twitter neu drwy gofrestru i gylchlythyr digidol Bwyd a Diod Cymru.
• Mae Prosiect Cywain hefyd yn cynnig offeryn diagnostig hunanasesu pwrpasol i fusnesau bwyd a diod, ynghyd â chymorth personol. Er mwyn cael mynediad at y gwasanaeth hwn, e-bostiwch cywain@menterabusnes.co.uk.
• Mae gwefan Paratoi Cymru yn cynnig y cyngor diweddaraf ar newid prosesau busnesau ar draws ystod eang o ddiwydiannau, gan gynnwys ffermio, pysgota, cynhyrchu bwyd ac allforion.
• Mae gwefan Llywodraeth y DU yn darparu dolenni at wybodaeth ychwanegol gan DEFRA a CThEM (e.e. Rhif EORI, Tystysgrifau Iechyd Allforio).

Mae'r llythyr hefyd yn cyfeirio at y cymorth ar wefan Paratoi Cymru i'r rhai ohonoch sydd angen gwneud cais am statws preswylydd sefydlog wedi Brexit.

Cewch ddarllen cynnwys llawn y llythyr isod: