 |
|
Rydyn ni wedi cynhyrchu ffilm fer wedi’i hanimeiddio fel canllaw i rieni/gofalwyr i esbonio adroddiadau’r Profion Darllen a Rhifedd Cenedlaethol. Bydd dolen i’r ffilm fer yn cael ei chynnwys ar daflen canlyniadau’r disgyblion ond mae’n bosib hefyd y byddwch am ei rhoi ar wefan eich ysgol ar gyfer sylw rhieni a gofalwyr.
Er
gwybodaeth, cynhelir y Profion Darllen a Rhifedd Cenedlaethol yn 2018 ar 25
Ebrill i 9 Mai ar gyfer ysgolion uwchradd ac o 2 i 9 Mai ar gyfer
ysgolion cynradd.
|
Mae Kirsty Williams, Ysgrifennydd y Cabinet dros Addysg, wedi cyhoeddi cynigion i greu comisiwn newydd i oruchwylio'r sector addysg uwch a phellach yng Nghymru. #diwygioaddysgcymru #dysguôl16cymru.
Mae
Ysgrifennydd y Cabinet dros Addysg wedi penderfynu peidio â defnyddio ei phwerau
i roi cyfarwyddyd i awdurdodau lleol a chyrff llywodraethu ysgolion gwirfoddol
a gynorthwyir ac ysgolion sefydledig ynghylch pa ddyddiadau y dylent eu pennu.
Dyddiau cau 10 Gorffennaf.
Gwahoddir ceisiadau ar gyfer y cynllun CALU nesaf.
Y disgyblion sy’n dechrau
Blwyddyn 7 mewn ysgolion uwchradd a gynhelir yng Nghymru ym mlwyddyn ysgol
2017/18 sy’n cael cinio ysgol am ddim fydd yn gymwys i gael y grant gwisg
ysgol. Bydd disgyblion mewn ysgolion arbennig, lleoliadau anghenion arbennig ac
unedau cyfeirio disgyblion yng Nghymru sy’n 11 oed neu fwy ar ddechrau blwyddyn
ysgol 2017/18 ac yn gymwys i gael cinio ysgol am ddim hefyd yn gymwys am y
grant.
Mae’r ymgynghoriad
ar gyfer y Fframwaith Gweithredu ar gyfer darpariaeth addysg heblaw yn yr ysgol
yn fyw. Mae'r cynigion hyn yn cael eu hanelu at wella canlyniadau ar gyfer
dysgwyr sy’n derbyn darpariaeth addysg heblaw yn yr ysgol. I
gefnogi'r ymgynghoriad hwn, bydd digwyddiadau ar y 14 Gorffennaf a 20 Gorffennaf 2017.
Am wybodaeth bellach am y digwyddiadau hyn, cysylltwch â WELLBEINGshare.
Gallwch archebu lle ar y digwyddiadau yn awr.
Yn rhad ac am ddim i’w mynychu, SkillsCymru yw digwyddiadau gyrfaoedd,
swyddi, sgiliau a phrentisiaethau mwyaf Cymru. Yn digwydd yn Llandudno a Chaerdydd, mae’r digwyddiadau hynod
ryngweithiol hyn yn cynnig y cyfle i bobl ifanc ddarganfod eu potensial.
Ewch i’r wefan i weld beth sydd
ymlaen. Neu cadwch eich lle chi nawr drwy ein ffurflen
ar-lein.
Bydd pob sesiwn yn
edrych ar y modd y mae platfform dysgu Hwb+ yn cael ei ddefnyddio ar hyn o
bryd. Cofrestrwch yma
Mae’n dda gennym gyhoeddi bod pecyn golygu mathemateg wedi’i ychwanegu at Hwb. Gallwch ddefnyddio’r pecyn golygu i deipio symbolau mathemategol a gwyddonol yn haws yn rhan o’r adnoddau a’r rhestr chwarae.
Deunyddiau wedi eu hanelu at ddysgwyr TGAU Daearyddiaeth, Cyfnod Allweddol 4 i gefnogi sgiliau cyffredinol ymholi/ymchwilio a sgiliau gwaith maes, ynghyd â sgiliau ehangach y Fframwaith Llythrennedd a Rhifedd.
Adnoddau Addysg Ariannol
Gallwch
ganfod adnoddau addysg ariannol ddefnyddiol sydd ar gael yn ddwyieithog ar
Dysgu Cymru a Hwb. Gall yr adnoddau eich helpu chi a’ch ysgol i gynllunio a
darparu addysg ariannol a hefyd i ddatblygu cynlluniau gwaith a gweithgareddau
priodol fel bod eich disgyblion yn datblygu eu sgiliau ariannol.
Dyma rifyn newydd o Ciwb, (Cylchgrawn Cymraeg Ail Iaith ar gyfer - CA3). Thema’r rhifyn yma yw “Y Gorffennol Pell”. Pwy
oedd y person cyntaf i wneud pizza – a pham, beth ddigwyddodd ar
Fynydd Kilimanjaro, a pham cafodd Carwyn Claude
Crawford siom? Darllenwch a mwynhewch!
‘Codi Hwyl’ – Gêm i
ddysgwyr a siaradwyr Cymraeg iaith gyntaf o oed 7+. @SiarterIaith #Cymraeg
Mae’r adroddiad hwn yn arfarnu pa mor dda y mae
ysgolion yn cefnogi disgyblion i ddatblygu perthnasoedd personol diogel a
pharchus.
Mae’r adroddiad hwn yn canolbwyntio ar
ddatblygiadau yn y sector Cymraeg i Oedolion yn dilyn ad-drefnu cenedlaethol.
Mae’r adroddiad hwn yn archwilio pwysigrwydd
canolbwyntio ar y medrau byw yn annibynnol fydd eu hangen ar bobl ifanc sydd ag
anawsterau ac anableddau dysgu ar gyfer eu dyfodol.
Agor tan 5
Gorffennaf
Mae gan ganolfannau, dysgwyr a rhanddeiliaid
eraill ddwy wythnos ar ôl i gymryd rhan mewn ymgynghoriad ar ganlyniadau
rheoleiddiol Cymwysterau Cymru a'r broses o fapio Amodau. Mae'r gwaith hwn yn
helpu i sicrhau bod ei weithgareddau rheoleiddio yn canolbwyntio ar ddysgwyr
a'r system gymwysterau yng Nghymru.
Ysgolion fel Sefydliadau sy'n Dysgu - Astudiaeth Cenedlaethol
Bwriad yr astudiaeth, sy’n bartneriaeth rhwng
Llywodraeth Cymru a’r Sefydliad ar gyfer Cydweithrediad a Datblygiad Economaidd
(OECD) yw datblygu diwylliant dysgu proffesiynol o fewn ac ar draws ein
ysgolion i gefnogi trosglwyddiad i'r cwricwlwm newydd. Os gwahoddwyd eich ysgol i gwblhau'r
arolwg byr, byddem yn croesawu eich cyfranogiad ac adborth agored ac
onest. Nodwch, rydym wedi ymestyn y dyddiad cau tan 21/07/17.
Mae RhDB-Cymru yn
cynorthwyo athrawon i ddatblygu eu dysgwyr fel dinasyddion egwyddorol a
gwybodus yng Nghymru a’r byd. Mae Cylchlythyr yr Haf yn cynnwys astudiaethau
achos newydd sy’n enghreifftio sut mae disgyblion wedi dod yn fwy ymwybodol o'u heffaith
ar y byd yn ogystal â sut mae dull
sydd wedi'i seilio ar hawliau wedi helpu disgyblion i ganolbwyntio ar faterion
byd-eang ac i ddangos empathi tuag at eraill.
Mae’r Cyngor Gweithlu Addysg yn chwilio am nifer o aelodau pwyllgor talentog a chydwybodol i ymuno â’r ‘Bwrdd’, dan gadeiryddiaeth Yr Athro John Furlong OBE, sydd bellach yn gyfrifol am ganfod derbynioldeb proffesiynol yr holl raglenni Addysg Gychwynnol Athrawon, sy’n arwain at Statws Athro Cymwysedig, yng Nghymru.
Mae Cyngor y Gweithlu Addysg yn cysylltu ag ysgolion a cholegau i gasglu data ar Gydlynwyr CAAA. Bydd Llywodraeth Cymru yn defnyddio'r wybodaeth hon i gynllunio ar gyfer Bil Tribiwnlys Anghenion Dysgu Ychwanegol ac Addysg (ALNET) arfaethedig a Rhaglen Trawsnewid ADY gysylltiedig.
Gofynnir i CAAA/penaethiaid ymateb i CGA erbyn 21/7/2017.
Cyswllt casglu data; ystadegau@cga.cymru
Llwybr i addysgu yng Nghymru yn seiliedig ar gyflogaeth yw’r Rhaglen Athrawon Graddedig. Os ydych wedi neu wrthi'n derbyn hyfforddiant RhAG neu yn rhanddeiliad (ysgolion, consortia neu SAU) hoffai Llywodraeth Cymru glywed eich barn.
|
