|
|
Ar ddydd Llun 12 Rhagfyr cyhoeddodd y
Gweinidog dros Ddysgu Gydol Oes a'r Iaith Gymraeg Ddatganiad Gweinidogol
Ysgrifenedig yn cyhoeddi cyflwyniad cyfraith uchelgeisiol i greu dull newydd
beiddgar i gefnogi dysgwyr ag anghenion dysgu ychwanegol (ADY). Os caiff ei
basio, bydd y Bil Anghenion Dysgu Ychwanegol a'r Tribiwnlys Addysg (Cymru) yn
hollol ailwampio'r system ar gyfer cefnogi disgyblion ag ADY, gan effeithio ar
bron pob dosbarth yng Nghymru.
Dyddiad i'ch dyddiadur: Digwyddiadau Anghenion Dysgu Ychwanegol
- Caerfyrddin - 28 Chwefror 2017
- Casnewydd - 2 Mawrth 2017
- Llandudno -7 Mawrth 2017
- Caerdydd - 9 Mawrth 2017
|
Mae cymwysterau yn newid
Mae cymwysterau TGAU, Uwch Gyfrannol a Safon Uwch yng Nghymru, Lloegr a
Gogledd Iwerddon yn newid. Mae rheoleiddwyr y cymwysterau hyn ym mhob
awdurdodaeth yn goruchwylio'r newidiadau a mae gwybodaeth ar wefan Cymwysterau Cymru, yn cynnwys ffeithlun. Yn y dyfodol, bydd
gwahaniaethau yn y rhan fwyaf o bynciau rhwng awdurdodaethau. Bydd rhai o'r
rhain yn amlwg ar unwaith, megis y drefn raddio ar gyfer cymwysterau TGAU neu'r
berthynas rhwng UG a Safon Uwch. Mae gwahaniaethau eraill yn llai amlwg, er
enghraifft, gwahaniaethau yn y cynnwys neu'r dulliau asesu a ddefnyddir o fewn
pynciau.
O fis Medi 2017 ymlaen, bydd TGAU Cymraeg Ail Iaith yn
newid. Mae Cymwysterau Cymru, Llywodraeth Cymru, CBAC, Estyn a’r Consortia
Addysg Rhanbarthol wedi cynhyrchu tudalen wybodaeth ar y cyd i roi gwybodaeth i
ddisgyblion, athrawon, arweinwyr ysgolion, rhieni ac eraill i ddeall yn well y
goblygiadau iddyn nhw ac i baratoi ar gyfer y newid hwn. Dilynwch y ddolen
uchod i ddysgu mwy am y newidiadau penodol sy’n digwydd, prif nodweddion y
cymhwyster TGAU newydd, y gefnogaeth a fydd ar gael i athrawon sy’n paratoi ar
gyfer addysgu’r cymhwyster
newydd, a’r effaith bosib ar ysgolion.
Mae
Cymwysterau Cymru yn cynnal cyfres o gyfarfodydd rhanbarthol am ddim i
gefnogi'r gwaith o weithredu'r TGAU Cymraeg Ail Iaith diwygiedig ym mis Medi
2017. Bydd y cyfarfodydd hyn yn cynnig cyfle i athrawon pwnc ac arweinwyr
ysgolion drafod y newidiadau i'r pwnc gyda chynrychiolwyr o Lywodraeth Cymru,
CBAC, y Cosortia Rhanbarthol a Cymwysterau Cymru.
Mae
Cymwysterau Cymru wedi ysgrifennu i ysgolion a cholegau yng Nghymru i rhoi'r
wybodaeth ddiweddaraf am y gyfres olaf o newidiadau i gymwysterau TGAU a Safon
Uwch.
Mae'r
llythyr yn nodi'r cynnydd a wnaed mewn perthynas â'r cymwysterau TGAU a Safon
Uwch newydd sy'n cael eu diwygio ar gyfer mis Medi 2017. Mae hefyd yn rhoi
trosolwg o'r holl bynciau TGAU a Safon Uwch fydd ar gael i ysgolion yng Nghymru
o 2017 ymlaen.
Cafodd adroddiad blynyddol cyntaf y cynllun Dyfodol Byd-eang ei gyhoeddi ddydd Mercher 14 Rhagfyr ac mae'n dangos y cynnydd a wnaed hyd yn hyn o dan Dyfodol Byd-eang i hybu ieithoedd, codi niferoedd sy'n dewis astudio ieithoedd tramor modern mewn ysgolion yng Nghymru a chyrhaeddiad yn y pynciau hyn. Un o'r prif gyflawniadau o dan y cynllun yw datblygu memorandwm cyd-ddealltwriaeth addysg (MOU) rhwng Cymru a Sbaen.
Cyhoeddwyd gan Ysgrifennydd y Cabinet dros Gymunedau a Phlant ar 14 Rhagfyr. Mae'n nodi sut y bydd Llywodraeth Cymru yn cydweithio â sefydliadau sy'n bartneriaid - yng Nghymru ac yn y Deyrnas Unedig - i symud tuag at gymdeithas sy'n fwy cynhwysol yn ariannol yng Nghymru. Strategaeth Cynhwysiant Ariannol i Gymru 2016
Rydym
eisiau eich sylwadau ynghylch y dyddiadau tymhorau arfaethedig ar gyfer 2018/19
a chyfarwyddyd drafft gan y Gweinidog.
Mae'r blaenoriaethau wedi'u gosod yng nghyd-destun yr Agenda Sgiliau, sef swyddi a thwf, cynaliadwyedd ariannol, cydraddoldeb a thegwch a meincnodi sgiliau rhyngwladol. Bydd cadarnhau'r themâu a bennwyd yn darparu fframwaith ar gyfer datblygu strategaethau a chynlluniau gweithredol at y dyfodol.
Mae'r cyflwyniadau hefyd ar gael ar Dysgu Cymru.
Mae’r ddogfen
ganllaw ddiweddaraf ar ddiogelwch gwybodaeth ar gael erbyn hyn. Mae’n sôn am y
dulliau rheoli diogelwch sydd ar gael o fewn HwbCloud (HwbMail, HwbSites a
HwbDrive).
Archebwch eich lle nawr!
Dyddiad
cau y gystadleuaeth yw 15 Mawrth 2017
Mae
cystadleuaeth flynyddol Raspberry Pi yn rhoi cant o becynnau datblygu sy’n
cynnwys y cyfrifiadur un bwrdd, maint cerdyn credyd, i ysgolion ledled Prydain.
Mae’r gystadleuaeth yn herio timau o blant a phobl ifanc i ddyfeisio rhaglenni
arloesol i wneud y byd yn lle gwell.
Rydym
yn dymuno recriwtio dau aelod i Fwrdd Cymwysterau Cymru. I gael rhagor o
wybodaeth ac i wneud cais, cliciwch yma.
Y
dyddiad cau ar gyfer ceisiadau yw 20 Ionawr 2017.
Mae arbenigwyr data addysg FFT Education yn cynnal cyfres o sioeau teithiol dwy awr ganmoliaethus ledled Cymru i ddod â thimau arwain ysgolion a chyrff llywodraethu i fyny yn gyflym gyda'r data diweddaraf Cyfnod Allweddol 4 Fischer Family Trust ar gafael yn FFT Aspire.
Mae grantiau'r CDA ar gael i ysgolion a cholegau yng Ngogledd Cymru ac mae'r cynnig yn agored i 11-18. Cysylltwch â Gabrielle Ashton ar 01654 705984 am ragor o wybodaeth.
|