|
|
Mae’r Prif Weinidog, Carwyn Jones wedi cyflwyno manylion
y cytundeb a wnaed gyda Kirsty Williams pan ymunodd gyda’r Llywodraeth fel
Ysgrifennydd y Cabinet dros Addysg.
|
Mae'r
Consortia Rhanbarthol yn holi ysgolion am eu hadborth ar y Fframwaith Cymhwysedd
Digidol drafft, a ddatblygwyd gan ymarferwyr o ysgolion Arloeswyr Digidol. Bydd
modd iddynt ymateb tan 4 Gorffennaf.
Mae trefniadau ymsefydlu statudol ar gyfer ANGau yng Nghymru yn newid o fis Medi 2016 ymlaen.
Cyhoeddwyd yr adroddiad 'Deall profiadau addysgol a safbwyntiau,
cyrhaeddiad, cyflawniad a dyheadau plant sy'n derbyn gofal yng Nghymru' ym
mis Tachwedd 2015. Mae amrywiaeth o ddeunyddiau newydd sy'n cyfathrebu prif
ganfyddiadau mewn fformatau hygyrch ar gael yma
Dyma ymateb i adroddiad Estyn o ansawdd addysg a
hyfforddiant ym maes iechyd a gofal cymdeithasol oedolion.
Bagloriaeth Cymru
Mae Cymwysterau Cymru wedi cyhoeddi llythyr i CBAC yn
gofyn am newidiadau i'r manylebau ar gyfer cymwysterau Bagloriaeth Cymru o fis
Medi 2016. Nodwyd amrywiaeth o argymhellion yn yr adolygiad Bagloriaeth Cymru
gyda amserlenni amrywiol. Manylion yma.
Mae’n Wythnos Addysg Oedolion! Mae digwyddiadau’n cael eu cynnal ar hyd a lled Cymru er mwyn dathlu’r holl gyrsiau amrywiol sydd ar gael i oedolion sy’n dymuno dysgu. Ymunwch â’r ymgyrch i ddathlu dysgu a llwyddiannau’r unigolion yr ydych wedi cydweithio â hwy. #carudysgu a dilynwch @PorthSgiliauGC i gael y newyddion diweddaraf.
Mae nifer o ddigwyddiadau yn cymryd lle ledled Cymru;
darganfyddwch beth sy’n digwydd yn eich ardal chi!
Rhannwch eich storïau / profiadau gan ddefnyddio
#CaruWGI
a chymerwch ran yn y thunderclap Gwaith Ieuenctid ar 23 Mehefin
Ydych chi'n cynllunio taith ysgol y tymor hwn? Beth am annog eich disgyblion i ddefnyddio Hwb+ i flogio am eu profiadau? Gall disgyblion ysgrifennu blogiau a'u postio ar wefan gyhoeddus Hwb+ eich ysgol, er mwyn rhoi'r wybodaeth ddiweddaraf i'w rhieni am yr hyn y maent wedi bod yn ei wneud. Neu, gellir postio blogiau ar safleoedd dosbarth, pwnc neu flwyddyn yn Hwb+ a'u defnyddio fel pwyntiau trafod pan fyddwch yn dychwelyd i'r dosbarth. I gael rhagor o syniadau ar ddefnyddio blogiau, ewch i dudalennau cymorth Hwb+
Adnoddau Ewro
2016
Gyda Chymru gyfan yn mwynhau’r bencampwriaeth
pêl-droed Ewropeaidd, beth am gael golwg ar ein adnoddau thematig Ewro 2016 ar Hwb?
Estyn - Swyddi
gwag
Swyddi Swyddog Gweinyddol
£17,200 - £21,500. Bydd y cyflog dechreuol ar waelod y
raddfa. Gallai cyflog dechreuol uwch gael ei gynnig os gall yr ymgeiswyr
ddangos gwybodaeth, sgiliau a phrofiad eithriadol mewn perthynas â’r swydd
benodol.
Mae’r rôl wedi’i lleoli yng Nghaerdydd.
Gwybodaeth
i Ymgeiswyr
Dogfen
Arweiniad
Cais
am gyflogaeth
Ymgeisiwch erbyn 10am ar ddydd Llun 11 Gorffennaf
Adnodd e-ddysgu
ar gael i ysgolion yng Nghymru
Mae FFT Education wedi lansio adnodd E-ddysgu er
mwyn helpu llywodraethwyr i fanteisio i'r eithaf ar eu Dangosfwrdd i
Lywodraethwyr, sef rhan o system ddata FFT Aspire. Mae'r
Dangosfwrdd yn dangos gwybodaeth am ganlyniadau a chynnydd disgyblion,
perfformiad pwnc, cynnydd grwpiau disgyblion, cyd-destun yr ysgol, presenoldeb
ac yn tynnu sylw at gryfderau a gwendidau, gan ei gwneud yn drosolwg delfrydol
ar gyfer cynllunio tuag at arolygiadau – ewch i elearning.fft.org.uk i gofrestru neu i
gael rhagor o wybodaeth.
Alun Davies AC yn dod i Gynhadledd Materion
Blynyddoedd Cynnar WCEE
Mae Canolfan Cymru er Cydraddoldeb mewn Addysg yn falch i
gyhoeddi bod Alun Davies (AC) y Gweinidog Dysgu Gydol Oes a’r Gymraeg wedi
cytuno i siarad yn ein cynhadledd flynyddol ar 6 Gorffennaf yn Abertawe yng
Ngwesty’r Village.
Dyma fydd un o’r cyfleoedd cyntaf i’r Gweinidog amlinellu
ei weledigaeth ar gyfer y Blynyddoedd Cynnar a’r Cyfnod Sylfaen.
Bydd y gynhadledd yn arddangos amrywiaeth o enghreifftiau
o ymarfer Blynyddoedd Cynnar o ysgolion, prifysgolion, cyrff trydydd sector a
gwneuthurwyr polisi.
Mae’r nifer o lefydd yn gyfyngedig, am ragor o wybodaeth
neu i archebu lle cysylltwch â tegan.waites@wales.ac.uk
|