Mae teithiau cerdded ar y llwybr jest yn brofiad gwahanol yn y gaeaf. ❄️

Mae wedi bod yn bleser gwylio heidiau o ddrudwy yn dawnsio ar ddiwedd dydd, sylweddoli bod machlud haul ar yr arfordir llawn mor drawiadol yn y gaeaf ag y mae yn yr haf, a chwrdd am droeon rhewllyd ond adfywiol ar y traeth a chynhesu mewn caffi lleol wedi hynny, gan roi hwb i iechyd meddwl. 

Ond mae mwy o heulwen a chynhesrwydd ar ôl y gaeaf hir. Mae arwyddion y gwanwyn o’n cwmpas ym mhobman gyda mwy o oriau o olau dydd i’w mwynhau allan ar y llwybr. Rydyn ni wrth ein bodd yn gweld eich teithiau cerdded ar hyd y llwybr ar ein sianeli cymdeithasol, felly daliwch ati i’n tagio ni! 

Dydd Gŵyl Dewi – 1 Mawrth

Dathlwch ein nawddsant, Dewi, a phob dim Cymreig yr unig ffordd wyddon ni sy’n bosibl……tro ar hyd y llwybr! Dewi Sant ddywedodd gwnewch y pethau bychain.

Cofrestrwch i fod yn Llysgennad Cymru – cofrestrwch am gyrsiau ar-lein am ddim a mynd drwyddynt yn eich amser eich hun i gynyddu eich gwybodaeth am Gymru i’w pasio ymlaen i eraill. Perffaith i bobl leol sy’n chwilfrydig am eu hardal leol, a chwrs hyfforddi delfrydol i wirfoddolwyr ac i ddarparwyr llety ac atyniadau ar hyd y llwybr.

Ydych chi’n fusnes ger llwybr yr arfordir?

Rydym yn rhoi pecyn o wybodaeth at ei gilydd i helpu busnesau i fanteisio ar lwyddiant y llwybr.

I DDOD YN FUAN - Cadwch lygad ar ein sianeli i gofrestru ar gyfer e-fwletinau Llwybr Arfordir Cymru i fusnesau i gael adnoddau rhad ac am ddim a hawdd eu defnyddio i helpu i hyrwyddo eich busnes i gerddwyr ar y llwybr.

Crisialu ysbryd y llwybr drwy waith celf a barddoniaeth

Mae’r arfordir wedi bod yn ffynhonnell ysbrydoliaeth i lawer o artistiaid – y ddrama, yr atgofion, y cysylltiadau â’r dirwedd sy’n newid o hyd, a’r môr ar lanw a thrai. Gwahoddwyd 10 artist a 10 bardd i dalu teyrnged i arfordir Cymru i ddathlu 10 mlynedd ers sefydlu’r llwybr. Ar Ddiwrnod Barddoniaeth y Byd (21 Mawrth), gwrandewch ar eu teyrnged deimladwy (agor yn YouTube).

870 milltir. Un gamp fythgofiadwy

Un o’r eitemau sy’n gwerthu orau yw ein tystysgrifau cyflawni a’n bathodynnau defnydd – dyma’r ffordd berffaith o goffáu eich amser ar y llwybr. Dangoswch nhw gyda balchder ar y silff ben tân!

Ysbrydoliaeth ar gyfer cerdded yn y gwanwyn

Mae nosweithiau goleuach a thywydd cynhesach o fewn cyrraedd i chi gael mwynhau troeon hirach ar hyd y llwybr. Rhowch gynnig ar y teithiau cerdded cylchol hyn, maen nhw’n ffordd wych o brofi arfordir Cymru ac yn cynnig golygfeydd ysbrydoledig a newydd heb orfod dilyn yr un daith yn ôl. Gyda phob llwybr cylchol, mae yna ffeil GPX i’w lawrlwytho er mwyn gallu dilyn y llwybr ar ap yr Arolwg Ordnans – gellir ei lawrlwytho yn rhad ac am ddim a’i ddefnyddio ar y daith. Chwiliwch am daith gerdded gylchol yn agos atoch chi

Cynlluniwch eich antur gerdded nesaf

Chwilio am rywle newydd i gerdded yn 2026? Cymerwch olwg ar ein tudalen Cynllunio’ch Ymweliad am adnoddau defnyddiol megis:

• Map rhyngweithiol – gwiriwch a phlotiwch eich llwybr gan ddefnyddio’r map rhyngweithiol
• Ap Llwybr Arfordir Cymru – lawrlwythwch yr ap i gofnodi eich holl deithiau cerdded ac i’ch helpu i aros ar y llwybr
• Gwyriadau llwybr dros dro – gwiriwch am unrhyw wyriadau llwybr cyn i chi fynd allan
• Teithiau cerdded – cewch eich ysbrydoli gan y teithiau cerdded sydd ar gael, o deithiau cerdded cylchol a theithiau cerdded i’r teulu i deithiau cerdded sawl diwrnod (yn ddelfrydol ar gyfer penwythnosau hir)

AWGRYM GWYCH: Edrychwch sut olwg sydd ar y llwybr ar Google Street View – perffaith ar gyfer cynllunio ymlaen llaw a chwilio am leoedd i fwyta ac yfed ac aros.

Parc Arfordirol y Mileniwm, Sir Gâr

Teithlyfrau swyddogol y llwybr

Diwrnod Llyfr y Byd (5 Mawrth) yw’r amser perffaith i bori drwy deithlyfrau swyddogol y llwybr.  Mae pob un o’r 7 teithlyfr yn ganllaw addysgiadol, defnyddiol ac ymarferol i’r llwybr, yn awgrymu adrannau o’r llwybr i’w cerdded ac yn tynnu sylw at nifer o bwyntiau o ddiddordeb ar hyd y daith. Prynwch ar-lein heddiw Mae 2 o’r canllawiau swyddogol hefyd ar gael yn y Gymraeg, sy’n ddelfrydol i’r rhai sydd am archwilio’r llwybr hwnnw yn iaith frodorol Cymru – ar gael o siopau llyfrau da ac ar-lein gan Gyngor Llyfrau Cymru. Teithlyfr Penrhyn Llŷn: Bangor i Borthmadog Teithlyfr Sir Benfro: Aberteifi i Amroth

Lapiwch Amdanoch. Camwch Allan 

Ein casgliad o ddillad cynnes yw’r sbardun perffaith i gamu allan mewn steil ar y llwybr. O gapiau cynnes a menig i grysau-T trwsiadus 100% o gotwm a hwdis cysurus – mae popeth yma i chi. Ar gael mewn dyluniadau cynnil a modern dwyieithog, maen nhw’n ategolion gwych at eich taith.

Hwdi Machlud Niwlog - yn Seafoam

Y gaeaf yw’r haf newydd!

Wyddech chi fod y llwybr yn mynd trwy warchodfeydd natur arbennig – y lle perffaith i ddianc a gwylio natur ar ei gorau. 

Oedwch, gwyliwch a gwrandewch ar olygfeydd a seiniau natur y gaeaf, o adar y dŵr ym Mae Oxwich yn Abertawe, i’r pyllau lili sy’n fwrlwm o fywyd gwyllt ar Ystâd Stackpole, i’r twyni tywod hudolus ym Morfa Dyffryn yng Ngwynedd.

Peidiwch â gadael unrhyw olion o’ch ymweliad, dilynwch y cod cefn gwlad a mwynhewch gysylltu â byd natur. Dysgwch fwy am fywyd gwyllt y gaeaf yng ngwarchodfeydd natur Cymru

Pyllau Lili Bosherston, Sir Benfro

Efallai y bydd gennych ddiddordeb yn y canlynol hefyd...

Ydych chi’n cynllunio taith gerdded hir ar hyd y llwybr? Fe welon ni’r erthygl wych hon Planning a long distance walk gan yr Arolwg Ordnans yn llawn cynghorion gwych ar gyfer sut i gynllunio taith gerdded pellter hir, fel ble i aros, dillad a chyfarpar, a ffeindio’ch ffordd. Ymunwch â chymuned swyddogol Llwybr Arfordir Cymru ar Facebook – mae’n ffordd wych o gysylltu â cherddwyr eraill y Llwybr a chael eich ysbrydoli gan eu profiadau a’u gwybodaeth, a gallwch ofyn hefyd am argymhellion ar leoedd i aros ar hyd y ffordd!

Cadwch y teithiau hyn at amser arall Wedi’u hysbrydoli gan @walkingwithlauren ar Instagram, mae’r teithiau hyn yn cynnwys lleoliadau anhygoel ar hyd y llwybr fel y Bermo, Bae’r Tri Chlogwyn, Gŵyr a Mwnt.

Rhowch eich adborth inni

Rydym yn croesawu unrhyw adborth ar y cylchlythyrau hyn, boed yn dda neu'n ddrwg. Dywedwch wrthym sut y gallwn eu gwella i chi! Cyslltwch â ni

Digwyddiadau

Darganfyddwch beth sy’n digwydd ar y llwybr gyda’n calendr digwyddiadau ar-lein.   Oes gennych chi ddigwyddiad ar Lwybr Arfordir Cymru neu gerllaw iddo?  Anfonwch Ffurflen Awgrymu Digwyddiad i ni fel y gallwn ei hyrwyddo ar ein gwefan. (dibynnol ar gymeradwyaeth).

Ymunwch â’n Cymuned

Gyda dros 10,500 o aelodau yn ein Cymuned Facebook, mae'n lle perffaith i gasglu ambell awgrym ymarferol ar gerdded y llwybr ynghyd â digon o ysbrydoliaeth ac anogaeth gan gerddwyr eraill. Welwn ni chi yno!  Facebook: Cymuned Llwybr Arfordir Cymru