Nwyddau Cynaliadwy

Mae ein holl nwyddau yn eco-gyfeillgar ac wedi’u cynhyrchu mewn ffordd foesegol. O ddillad wedi’u gwneud o gotwm organig ardystiedig (sy’n gallu cael eu golchi ar dymheredd isel) i ddeunyddiau wedi’u hailgylchu - rydych chi’n gwneud eich rhan i leihau’r effaith ar yr amgylchedd Bob tro y byddwch chi’n prynu rhywbeth, mae rhan o’r elw’n mynd tuag at ddatblygu’r llwybr fel y gallwn ei fwynhau am genedlaethau i ddod. Chwiliwch drwy ein siop i weld y casgliad llawn o nwyddau, o grysau-t i ategolion cerdded i hetiau (yn barod ar gyfer yr haf!)

Llwybr Arfordir Ceredigion yn 15 oed

Mae’r rhan boblogaidd hon o Lwybr Arfordir Cymru yn dathlu ei phen-blwydd yn 15 oed eleni.Mae’n ymestyn am 60 milltir/96 km o Ynyslas, sydd i’r gogledd o dref brifysgol Aberystwyth, hyd at Aberteifi ym mhen deheuol sir Ceredigion.

Ymunwch yn y dathlu drwy gerdded y rhan anhygoel hon o’r llwybr.

• Rhowch gynnig ar un o 26 o deithiau cerdded cylchol hunan-dywys - mae pob un yn cynnwys rhan o lwybr yr arfordir ond yn dychwelyd i’r man cychwyn dros lwybrau mewndirol.
• Dewch i ymuno â’r teithiau cerdded i ddathlu’r pen-blwydd rhwng 21 Mehefin a 29 Gorffennaf 2023.

Ymholiadau: Os oes unrhyw gwestiynau gyda chi, anfonwch e-bost at y Tîm Gwybodaeth Twristiaid yn tourism@ceredigion.gov.uk neu croeso@ceredigion.gov.uk

Canolfannau Gwasanaethau Cwsmeriaid: Rhif ffôn 01545 570881 neu e-bost
clic@ceredigion.gov.uk

Mae’r dirwedd ar y rhan hon o’r llwybr ymysg y mwyaf amrywiol ar Lwybr Arfordir Cymru. Mae llawer o bobl yn dweud bod llethrau’r llwybr, i fyny ac i lawr, yn ymarfer gwych i’r coesau a’r ysgyfaint! Gallwch weld mwy o wybodaeth am y llwybr, gan gynnwys rhestr o lefydd i aros, yma.

(O.N. os oeddech chi’n meddwl tybed ble cafodd y llun yma ei dynnu, mae rhwng Cei Newydd a Chwmtydu yng Ngheredigion!)

Rhag ofn i chi ei fethu...

Ydych chi’n fusnes ar y llwybr neu’n agos ato? Cymerwch olwg ar gylchlythyr y Gwanwyn i fusnesau ar hyd Llwybr Arfordir Cymru a’r Llwybrau Cenedlaethol yng Nghymru. Dyma’r 3 prif eitem: Cael gafael ar ddelweddau proffesiynol am ddim Defnyddio’r trên i fynd at y llwybr (ymgyrch ddiweddaraf Trafnidiaeth Cymru) Mae hi’n Fis Cerdded Cenedlaethol ym mis Mai - teithiau cerdded i’ch cwsmeriaid drwy gydol y flwyddyn

Digwyddiadau

Darganfyddwch beth sy’n digwydd ar y llwybr gyda’n calendr digwyddiadau ar-lein.   Oes gennych chi ddigwyddiad ar Lwybr Arfordir Cymru neu gerllaw iddo?  Anfonwch Ffurflen Awgrymu Digwyddiad i ni fel y gallwn ei hyrwyddo ar ein gwefan. (dibynnol ar gymeradwyaeth).

Ymunwch â’n Cymuned

Gyda dros 5,000 o aelodau yn ein Cymuned Facebook, mae'n lle perffaith i gasglu ambell awgrym ymarferol ar gerdded y llwybr ynghyd â digon o ysbrydoliaeth ac anogaeth gan gerddwyr eraill. Welwn ni chi yno!  Facebook: Cymuned Llwybr Arfordir Cymru