|
|
Newyddion ac ysbrydoliaeth i rai sy’n ymweld â’n coetiroedd a’n Gwarchodfeydd Natur Cenedlaethol.
 Rydyn ni’n edrych ymlaen at gymryd rhan yn 'Llwybrau Cymru,’ yr ymgyrch hyrwyddo a gafodd ei lansio gan Croeso Cymru ar gyfer 2023.
Rydyn ni’n cynnig amrywiaeth enfawr o lwybrau yn ein coetiroedd a'n gwarchodfeydd – mae'r rhain yn cynnwys 550 km o lwybrau cerdded â ffyrdd, dros 600 km o lwybrau beicio mynydd a beicio ag arwyddbyst, bron i 100 km o lwybrau rhedeg â ffyrdd a thua 30 km o lwybrau marchogaeth ag arwyddbyst.
Mae gan rai o'n lleoedd lwybrau hygyrch, sy'n addas i'w defnyddio gan bawb gan gynnwys defnyddwyr cadair olwyn a phobl gyda chadeiriau gwthio, a llwybrau beicio sy'n addas ar gyfer defnyddwyr offer addasol.
|
|
 Mae ein coetiroedd a'n gwarchodfeydd ar agor drwy'r flwyddyn ond efallai y bydd angen i ni gau meysydd parcio neu lwybrau mewn tywydd gwael gan gynnwys eira a gwyntoedd cryfion – edrychwch ar y dudalen we neu dudalen Facebook am wybodaeth am y lle rydych chi am ymweld ag ef i weld beth sydd ar agor neu ar gau.
Cyn i chi fentro i’r awyr agored yn y gaeaf mae'n arbennig o bwysig gwneud yn siŵr bod y dillad cywir gyda chi, gwiriwch ragolygon y tywydd a sicrhewch eich bod chi’n hyderus bod gennych y wybodaeth a'r sgiliau ar gyfer y diwrnod.
|
|
 Rydyn ni wedi cynhyrchu dwy ffilm fer am ymweld â'n coetiroedd a'n gwarchodfeydd.
Mae'r ffilm gyntaf yn rhoi trosolwg o'r ystod o gyfleusterau ymwelwyr yn ein llefydd, ac mae'r ffilm arall yn canolbwyntio ar gyfleusterau ymwelwyr sy'n addas ar gyfer ymwelwyr iau.
|
|
 Os mai rhedeg yw eich adduned Blwyddyn Newydd, efallai y byddwch chi am roi cynnig ar un o'n llwybrau rhedeg.
Mae'r llwybrau hyn yn amrywio o ran hyd ac anhawster ac yn gyfle i redeg ar lwybrau oddi ar y ffordd, heb draffig mewn lleoliadau prydferth ledled Cymru. Mae gan bob llwybr banel gwybodaeth ar y dechrau ac maen nhw wedi’u cyfeirbwyntio er mwyn i chi allu teimlo'n hyderus am ddilyn y llwybr. Hefyd mae'r olygfa yn llawer gwell na’r hyn y cewch chi mewn campfa!
Cofiwch y bydd angen esgidiau a dillad arnoch chi i siwtio'r amodau - mae rhai rhannau o'r llwybrau hirach yn dilyn llwybrau troed mwdlyd lle mae esgidiau llwybr yn cael eu hargymell.
|
|
 Parc Coed y Brenin yw'r lleoliad ar gyfer her dygnwch beicio mynydd Fox Antifreeze ym mis Mawrth.
Mae’r her, sy’n cael ei rhedeg gan Dyfi Events, yn cynnwys hwnt gychwyniad sy’n gwneud awyrgylch mwy hamddenol ac yn rhoi gwell cyfle i feicwyr fwynhau trac sengl o safon byd Coed y Brenin.
Mae'r llwybr yn addasiad â llaw o lwybrau Coed y Brenin ac mae beicwyr yn gallu dewis gwneud un, dau neu dri lap o ddolen 12km.
|
|
 Mae llwybrau, meysydd parcio a chyfleusterau eraill i ymwelwyr mewn sawl un o'n llefydd ar gau dros y misoedd nesaf tra bod gwaith cynnal a chadw neu waith coedwigaeth yn cael ei wneud.
Gwiriwch dudalen we'r lle rydych chi am ymweld ag ef cyn dechrau i ddarganfod beth sydd ar gau.
|
|
 I lawer o bobl, mae awyr oer y gaeaf ac oriau golau dydd byrrach yn golygu newid i dreulio mwy o amser o dan do a bod yn fwy llonydd.
Mae ymchwil yn dangos mai'r tywydd yw'r prif reswm dros beidio â mynd am dro, ond mae digon o resymau pam y dylen ni lapio'n gynnes a mynd allan yn y gaeaf.
Yn ei flog diweddaraf, mae ein cynghorydd iechyd yn sôn am sut mae treulio amser yn mwynhau byd natur yn dda i ni a'r amgylchedd naturiol hefyd, ac yn cynnig ffyrdd o wneud y mwyaf o'r awyr agored y gaeaf hwn.
|
|
 Gobeithio bod y cipolwg hwn o newyddion o'r llefydd rydyn ni'n gofalu amdanyn nhw ledled Cymru wedi rhoi ychydig o ysbrydoliaeth i chi fynd allan i'r awyr agored y gaeaf hwn.
Rhowch wybod i ni beth ydych chi'n ei feddwl o'r cylchlythyr hwn a rhannu unrhyw syniadau ar gyfer cynnwys ar gyfer rhifynnau yn y dyfodol.
A beth am ei anfon ymlaen at ffrindiau a theulu fyddai'n hoffi darganfod mwy o Gymru?
I gael gwybodaeth am ein coetiroedd a'n Gwarchodfeydd Natur Cenedlaethol gyda chyfleusterau i ymwelwyr, ewch i'n gwefan Ar grwydr
|
|
|
|
