Llwybr Arfordir Cymru: Newyddion a diweddariadau mis Medi

Natural Resources Wales sent this bulletin at 29-09-2022 10:58 AM BST

Celf Coast Cymru 10

Mae ein dathliad o ddengmlwyddiant y llwybr drwy gyfrwng celfyddyd a barddoniaeth wedi cychwyn.

Gwahoddwyd 10 artist a 10 bardd i dalu teyrnged i arfordir Cymru ac yn wir maen nhw wedi crisialu naws y llwybr yn eu ffordd unigryw eu hunain.

Mae’r holl waith bellach wedi’i gwblhau ac mae’n bosibl ei weld a’i fwynhau mewn 10 lansiad celfyddyd yn ystod mis Hydref.

Bydd y nesaf ar 1 Hydref 2022, 10am - 12pm yn Oriel y Parc, Tyddewi, Sir Benfro yng nghwmni’r artist Stephen West a’r bardd Gillian Clarke

Dewch draw i ymuno â ni yn y lansiadau hyn – byddem wrth ein bodd yn cael eich barn!

Darllenwch ragor am y prosiect

Yn ogystal â’r lansiadau celfyddyd, trefnir 4 taith gerdded i ddathlu yn y bore yng nghwmni’r cyflwynydd Chris Jones. Ceir mwy o fanylion yn ein hadran teithiau cerdded tywysedig isod.

Teithiau cerdded tywysedig arbennig am ddim ym mis Hydref

Conwy guided walks on the Wales Coast Path October 2022

Y ffordd orau o ddathlu’r dengmlwyddiant yw drwy ymweld â’r llwybr...

Teithiau cerdded y dengmlwyddiant yn sir Conwy (7- 8 Hydref 2022)

Tair taith gerdded dywysedig ardderchog, sy’n amrywio o bromenâd hawdd a gwastad, llwybr cylchol ucheldirol i daith gerdded ar y traeth mewn partneriaeth â Chymdeithas y Cerddwyr, Mind Conwy ac Ymddiriedolaeth Natur Gogledd Cymru. Mwy o fanylion y teithiau cerdded ac archebu eich lle

Celf Coast Cymru 10 – teithiau cerdded tywysedig

Ymunwch â Chris Jones, y cyflwynydd a’r cerddwr brwd a’i ffrindiau ar 4 taith gerdded dywysedig arbennig. Bydd diwedd y teithiau cerdded boreol hyn yn cyd-daro â lansiadau celfyddyd yn y prynhawn ar y dyddiadau canlynol:

8fed yng Nghaerfyrddin (dim lle ar ôl), 15fed ym Mangor Archebwch eich lle am ddim, 22ain Casnewydd (dim lle ar ôl), 29ain Castell Harlech Archebwch eich lle am ddim

Gellir archebu lle ar yr holl ddigwyddiadau ar dudalen Eventbrite Chris Jones

Mae ein #Her870 yn dirwyn i ben ...

Mae ein her yn yr haf i fynd allan i grwydro’r llwybr wedi cael gwerth mwy na 3k milltir o addewidion. Diolch yn fawr am gymryd rhan. Mae wedi bod yn bleser eich gweld i gyd yn mwynhau’r llwybr yr haf yma. Mae’r her yn parhau tan 30 Medi.

Mae gennym y crys-T perffaith i chi i gofio am eich #Her870. Prynu crys-T 870 ar-lein

Digwyddiadau

walkers looking out to the coast Nefyn WCP

Darganfyddwch beth sy’n digwydd ar y llwybr gyda’n calendr digwyddiadau ar-lein.

Oes gennych chi ddigwyddiad ar Lwybr Arfordir Cymru neu gerllaw iddo? Anfonwch Ffurflen Awgrymu Digwyddiad i ni fel y gallwn ei hyrwyddo ar ein gwefan. (dibynnol ar gymeradwyaeth).

Ymunwch â’n Cymuned

Gyda dros 4,500 o aelodau yn ein Cymuned Facebook, mae'n lle perffaith i gasglu ambell awgrym ymarferol ar gerdded y llwybr ynghyd â digon o ysbrydoliaeth ac anogaeth gan gerddwyr eraill. Welwn ni chi yno! Facebook: Cymuned Llwybr Arfordir Cymru