Chwefror 2016

1. Cyflwyniad

Croeso i rifyn mis Chwefror o Gylchlythyr y Gwasanaeth Caffael Cenedlaethol.

Amserlen waith y Gwasanaeth Caffael Cenedlaethol yw sail gwaith pob categori yn y Gwasanaeth Caffael Cenedlaethol. Mae cwsmeriaid a chyflenwyr yn gweld bod y wybodaeth sydd ynddi yn hanfodol ar gyfer cynllunio caffael manwl. Y mis hwn rydym yn lansio fersiynau newydd a symlach o amserlenni’r gwaith sydd ar y gweill mewn categorïau, ac mae modd gweld y rhain ar wefan Gwasanaeth Caffael Cenedlaethol. Mae hyn yn cynnig fersiwn sy’n hawdd ei defnyddio os ydych chi am gael cipolwg sydyn ar weithgarwch caffael y Gwasanaeth Caffael Cenedlaethol.
 
Ar 30 Mawrth, bydd Safonau'r Gymraeg yn dod i rym. Bydd angen i’r Gwasanaeth Caffael Cenedlaethol, fel sawl sefydliad sector cyhoeddus arall yng Nghymru, wybod beth yw dewis iaith pawb sy’n cyfathrebu neu’n gohebu â ni. Yn ystod y mis nesaf, byddwn yn anfon neges e-bost atoch yn gofyn i chi nodi beth yw eich dewis iaith, naill ai Gymraeg neu Saesneg. Mae hwn yn gam cadarnhaol i ni yng Nghymru a gobeithio y byddwch yn ymateb i’n cais gyda’r troad.
 
Llongyfarchiadau i Gwerth Cymru a’r Gwasanaeth Caffael Cenedlaethol sydd wedi’u henwebu i fod ar restr fer categori Arloesedd neu Fenter y Flwyddyn Go Procurement yng Ngwobrau Rhagoriaeth mewn Caffael Cyhoeddus Cyfleoedd Llywodraeth (GO) Cenedlaethol ar gyfer 2016/17. Mae hyn yn gydnabyddiaeth wych i waith Gwerth Cymru a’i bartneriaid cyflawni sef y Gwasanaeth Caffael Cenedlaethol, Canolfan Cydweithredol Cymru, Prifysgol Caerdydd a Chyngor Gweithredu Gwirfoddol Cymru i weithredu egwyddorion cydweithio drwy'r Canllaw ar Gyflwyno Cynnig ar y Cyd. Rydym yn falch dros ben o’r gydnabyddiaeth hon, a byddwn yn cael gwybod y canlyniad ddydd Mawrth, 8 Mawrth.
 

2. Rhaglen waith

Mae'r Gwasanaeth Caffael Cenedlaethol wedi dyfarnu'r fframwaith a ganlyn yn ddiweddar:

• Darparu Gwasanaethau Rheoli Cyfleusterau (Gwasanaeth a Reolir)
  Amcangyfrif o werth blynyddol £20m

Mae’r canllawiau i gwsmeriaid a rhagor o wybodaeth ar gael ar wefan GwerthwchiGymru. 

Cofiwch fod rhestr o gytundebau Fframwaith Gwasanaeth Caffael Cenedlaethol cyfredol ar gael yn yr adran ‘categorïau’ ar wefan y Gwasanaeth Caffael Cenedlaethol.

3. Edrych i'r dyfodol

Er mwyn sicrhau ein bod yn rhoi cymaint o rybudd ymlaen llawn â phosibl i brynwyr a chyflenwyr am ddigwyddiadau'r GCC, rydym wedi creu'r tablau Edrych i'r Dyfodol isod. Cysylltwch â'r blwch post categori perthnasol am ragor o wybodaeth, a chofiwch gadw llygad ar dudalennau Twitter a LinkedIn y GCC a gwefan GwerthwchiGymru ar gyfer y newyddion diweddaraf am y digwyddiadau.

Digwyddiadau i Gyflenwyr

Digwyddiadau i Brynwyr

Am ragor o wybodaeth am y digwyddiadau uchod, cysylltwch â'r blwch post cyfatebol isod:

Adeiladu a Rheoli Cyfleusterau

Gwasanaethau Corfforaethol a Chymorth Busnes

Fflyd a Thrafnidiaeth

Bwyd

Technoleg Gwybodaeth a Chyfathrebu

Gwasanaethau Pobl a Chyfleustodau

Gwasanaethau Proffesiynol

4. Gweithgarwch ar y gweill yn ôl categori

Mae yna nifer o Hysbysiadau pwysig wedi’u rhestru isod. Hysbysir popeth drwy wefan GwerthwchiGymru, ond gofynnir i chi rannu'r wybodaeth hon gyda chynifer o gyflenwyr â phosibl os ydych yn credu y byddent o ddiddordeb iddynt.

Os byddwch angen gwybodaeth bellach neu os hoffech fynychu unrhyw un o'r digwyddiadau isod, cysylltwch â'r tîm perthnasol drwy e-bost.

Adeiladu a Rheoli Cyfleusterau Hysbysiadau Dyfarnu Contract Darparu Gwasanaethau Rheoli Cyfleusterau Cam 1 (Gwasanaeth a Reolir) - dyfarnwyd ar 11 Ionawr 2016. Mae'r Fframwaith yn ymwneud â thair lot gwasanaeth (Gwasanaethau Meddal, Gwasanaethau Caled a Gwasanaethau Rheoli Cyfleusterau Cyflawn (TFM) ar draws Cymru gyfan. Mae’r canllawiau i gwsmeriaid ar gael yn GwerthwchiGymru. Adroddiadau Canlyniadau Grwpiau Fforwm Categori Mae Adroddiad Canlyniadau Cam 2 Gwasanaethau Rheoli Cyfleusterau ar gael yn awr ar wefan GwerthwchiGymru. Bydd y fframwaith yn ymwneud â phedwar maes gwasanaeth; Cynnal a Chadw Mecanyddol, Cynnal a Chadw Offer Tân; Gwasanaethau Diogelwch a Rheoli Pla. Mae Adroddiad Canlyniadau Offer a Chyfarpar ar gael yn awr ar wefan GwerthwchiGymru. Diweddariadau Mae’r Gwasanaeth Caffael Cenedlaethol wrthi’n cynorthwyo dau sefydliad sy’n gwsmeriaid i ddyfarnu contractau cyfnod ar gyfer Rheoli Cyfleusterau; Llywodraeth Cymru ar gyfer eu contract Gwasanaethau Rheoli Cyfleusterau Meddal a Chontract Rheoli Cyfleusterau Cyflawn Gwasanaeth Gwaed Cymru.  Dylai’r ddau gontract gael eu dyfarnu’n ffurfiol yn ystod mis Chwefror. Cyswllt: NPSConstruction&FM@cymru.gsi.gov.uk

Gwasanaethau Corfforaethol a Chymorth Busnes

Diweddariadau

• Cyflenwi Dillad Llachar a Chyfarpar Diogelu Personol (PPE)  - Iwnifformau, Dillad Gwaith a Dillad Hamdden - rydym yn y cam gwerthuso ar hyn o bryd. Mae wythnos samplu wedi’i threfnu ar gyfer diwedd mis Chwefror, bydd manylion yn dilyn. I gael rhagor o wybodaeth cysylltwch â’r blwch post isod.

Adroddiadau Canlyniadau Grwpiau Fforwm Categori

• Mae Adroddiad Canlyniadau Papur a Deunydd Swyddfa ar gael yn awr ar wefan GwerthwchiGymru. 

Cyswllt: NPSCorporateServices@cymru.gsi.gov.uk

Fflyd a Thrafnidiaeth Diweddariadau Cyflenwi Teiars a Gwasanaethau Cysylltiedig - mae Canllawiau i Gwsmeriaid ac ID Catalog eFasnachu Cymru ar gael yn awr ar wefan GwerthwchiGymru. Bydd y Gwasanaeth Caffael Cenedlaethol yn cydlynu cystadlaethau bach cydweithredol rhanbarthol ym mhob rhanbarth rhwng mis Ionawr a mis Chwefror. Dylai cwsmeriaid gysylltu â'r blwch post isod os yw eu sefydliad yn awyddus i gymryd rhan yn y cystadlaethau bach hyn. Mae'r Gwasanaeth Caffael Cenedlaethol yn ceisio tynnu baich y cystadlaethau bach oddi ar gwsmeriaid ond mae disgwyl i’r ymrwymiad ar y cyd wella canlyniadau hefyd. Cysylltwch â'r blwch post isod i gael rhagor o wybodaeth.   Cyswllt: NPSFleet@cymru.gsi.gov.uk

Technoleg Gwybodaeth a Chyfathrebu

Hysbysiadau Contract ar y gweill

• Gwaith Ceblau Strwythurol - disgwylir i hyn gael ei gyhoeddi cyn diwedd mis Chwefror 2016 yn yr adran Hysbysiadau ar wefan GwerthwchiGymru.
• Gwasanaethau Sicrwydd Gwybodaeth - disgwylir i hyn gael ei gyhoeddi cyn diwedd mis Chwefror 2016 yn yr adran Hysbysiadau ar wefan GwerthwchiGymru.
• Gwasanaethau Digideiddio, Storio a Dinistrio - disgwylir i hyn gael ei gyhoeddi yn yr wythnos yn dechrau 22 Chwefror 2016 yn yr adran Hysbysiadau ar wefan GwerthwchiGymru.

Diweddariadau

• Bu staff TGCh y Gwasanaeth Caffael Cenedlaethol yng nghyfarfod fforwm Technoleg Gwybodaeth Addysg Uwch Cymru ddydd Gwener 5 Chwefror 2016, i roi diweddariad am TGCh. Cysylltwch â’r blwch post isod os hoffech gael diweddariad hefyd.

Cyswllt: NPSICTCategoryTeam@cymru.gsi.gov.uk

Gwasanaethau Pobl a Chyfleustodau   Diweddariadau Darparu Gwasanaeth a Reolir ar gyfer Cyflenwi Gweithwyr Asiantaeth - rydym yn parhau i gynorthwyo cwsmeriaid i weithredu’r fframwaith hwn sydd â gwerth mawr. Ar hyn o bryd, rydym yn rheoli cystadleuaeth arall gydweithredol ar gyfer awdurdod lleol de Cymru ar draws pob cyflenwr Lot 1 a Lot 2. Os hoffai eich sefydliad gael cymorth i weithredu’r fframwaith hwn, cysylltwch â'r blwch post isod. Mae canllawiau ar gael yn adran y Gwasanaeth Caffael Cenedlaethol ar wefan GwerthwchiGymru. Grwpiau Fforwm Categori (CFG) Bagiau Gwaredu Gwastraff - yn dilyn cyfarfod CFG adeiladol ar 14 Ionawr, mae Strategaeth y Gwasanaeth Caffael Cenedlaethol ar gyfer Cytundeb Fframwaith Bagiau Gwaredu Gwastraff wedi cael ei chymeradwyo erbyn hyn gan y Grŵp Cyflawni ar 27 Ionawr. Mae Adroddiad Canlyniadau CFG ar gael ar wefan GwerthwchiGymru. Rydym wrthi’n datblygu dogfennau tendr ar gyfer y fframwaith hwn. Os oes gennych unrhyw ymholiadau, neu os hoffech fod yn rhan o ddatblygu'r tendr ar gyfer y prosiect hwn, cysylltwch â’r blwch post isod. Cyswllt: NPSPeopleServices&Utilities@cymru.gsi.gov.uk

Gwasanaethau Proffesiynol

Diweddariadau

• Ymgynghoriaeth Adeiladu - rydym yn cynnig cyfres integredig o ganllawiau a chyngor ymgynghorol sy’n ymwneud â 30 o ddisgyblaethau sy’n cynnwys gwasanaethau proffesiynol Ystadau, Eiddo a Seilwaith. Os hoffech i un o’r tîm Gwasanaethau Proffesiynol esbonio ein cynnig i’ch sefydliad, cysylltwch â'r blwch post isod. Neu gallwch weld y cytundebau yn adran Gwasanaethau Proffesiynol y Gwasanaeth Caffael Cenedlaethol ar wefan GwerthwchiGymru.
• Hyfforddiant ymwybyddiaeth ynghylch Contract Gwasanaethau Proffesiynol NEC 3 I gefnogi fframweithiau Ymgynghoriaeth ym maes Adeiladu, rydym yn bwriadu cynnal sesiynau ymwybyddiaeth ar Gontract Gwasanaethau Proffesiynol NEC 3 (Ebrill 2013). Os oes gennych ddiddordeb mewn mynychu, cysylltwch â Kathryn Jones yn y blwch post isod.
• Mae ein Fframwaith Gwasanaethau Cyfreithiol gan Gyfreithwyr yn gwbl weithredol erbyn hyn ac yn cael ei ddefnyddio ar draws sector cyhoeddus Cymru. Rydym wrthi’n sefydlu tîm rheoli fframwaith fforwm categori i sicrhau ei fod yn parhau i ddiwallu eich anghenion. Cysylltwch â Carla Lavender yn y blwch post isod os hoffech drafod hyn ymhellach.

Grwpiau Fforwm Categori (CFG) - Galwad am gynrychiolwyr

• Ymgynghoriaeth Busnes – mae ein CFG wedi datblygu strategaeth gyffrous a fydd yn bodloni anghenion ymgynghoriaeth busnes sector cyhoeddus Cymru. Cafodd hyn ei gymeradwyo gan Grŵp Cyflawni Gwasanaeth Caffael Cenedlaethol ym mis Tachwedd. Rydym wrthi’n datblygu sawl prosiect caffael ymgynghoriaeth busnes i gefnogi gwasanaethau Addysg, darparu modelau cyflawni gwahanol a sicrhau effeithlonrwydd gwasanaeth. Yn ogystal â helpu i siapio’r rhain, mae angen cefnogaeth arnom hefyd i weld beth yw’r ffordd orau o rannu adnoddau mewnol ar draws sefydliadau. Felly, rydym yn chwilio am gynrychiolwyr ychwanegol ar gyfer y CFG, i’n galluogi i gyflawni ar eich rhan. Cysylltwch â Paul Griffiths yn y blwch post isod os hoffech drafod hyn ymhellach.
• Gwasanaethau Bargyfreithwyr – rydym wrthi’n cwblhau ein dull caffael ac mae gennym sawl cyfarfod ymgysylltu wedi'i drefnu gyda Phenaethiaid timau Cyfreithiol ym mis Ionawr a mis Chwefror. Ond, byddem yn croesawu rhagor o ymgysylltiad ac os oes rhywun am gyfarfod i drafod hyn ymhellach, cysylltwch â blwch post y categori.

Cyswllt: NPSProfessionalServices@cymru.gov.uk

5. Arbedion

Mae’r GCC yn adrodd cyfradd arbedion o 4.72% y flwyddyn ariannol hon, drwy Gontractau a Chytundebau Fframwaith wedi’u rheoli. Mae hwn yn cynnwys arbedion wedi'u negodi a chytundebau sydd wedi'u trosglwyddo i'r GCC. 

Mae'r arbedion yn hafal i £3,071,351 rhwng 1 Ebrill 2015 a 30 Tachwedd 2015.

Os byddwch angen eglurhad pellach o'r arbedion hyn, cysylltwch â'ch Cynrychiolydd Sector y GCC neu'ch Pennaeth Caffael.

Cyfeiriadur Busnesau Cymru

Cafodd Cyfeiriadur Busnesau Cymru ei lansio gan Busnes Cymru ar ddechrau'r flwyddyn newydd. Mae hwn yn adnodd ar-lein gwych ar gyfer busnesau Cymru sy’n awyddus i hyrwyddo nhw eu hunain ymhlith cwsmeriaid newydd posibl, a chodi eu proffil.

Gall busnesau hysbysebu yn y Cyfeiriadur i hyrwyddo eu nwyddau, gwasanaethau a manylion adnabod, a gall defnyddwyr chwilio’n gyflym am fusnesau Cymru yn ôl enw, sector, rhanbarth a hidlyddion eraill.

Mae’n rhwydd creu cofnod ac mae am ddim, Tynnwch sylw atoch chi’ch hun a rhowch eich manylion ar wefan Busnes Cymru heddiw.

Newid enw Procserve

Ym mis Ebrill 2015, llwyddodd Basware i gaffael Procserve. Fel rhan o integreiddio’r broses caffael, mae cyfeiriadau e-bost holl staff eFasnachu Cymru wedi cael eu newid i gyfeiriadau e-bost Basware erbyn hyn. Bydd strwythur newydd y cyfeiriad e-bost yn newid o procserve.com i  basware.com. Gwelir enghraifft isod:

Bydd john.smith@procserve.com yn newid i fod yn john.smith@basware.com
 
Dros gyfnod, byddwch yn siŵr o weld rhagor o newidiadau brand hefyd a bydd hyn yn cynnwys newidiadau i frand marchnadfa eFasnachu Cymru.

Digwyddiadau cymorthfeydd a gweminarau cyflenwyr eFasnachu Cymru

Mae Basware (arferai fod yn Procserve) yn trefnu cyfres o weminarau ar gyfer 2016, ac mae’r rhain wedi'u cynllunio’n benodol i gefnogi cymuned cyflenwyr sector cyhoeddus Cymru. Bydd y gweminarau’n cael eu cynnal bob deufis gan godi ymwybyddiaeth o Raglen Newid eFasnachu Cymru a’r ffordd orau o ddefnyddio’r adnoddau sydd ar gael. Mae’r gweminar cyntaf wedi'i drefnu ar gyfer 11 Chwefror 2016. Caiff y gweminar ei recordio a bydd ar gael i’w weld ar ôl y digwyddiad.

Ar ben hynny, mae digwyddiadau cymorthfeydd i gyflenwyr wedi'u trefnu mewn sawl lleoliad yn ystod 2016 er mwyn sicrhau bod gan gyflenwyr gyfle hefyd i gwrdd yn bersonol.

Pen-y-bont ar Ogwr - 15 Chwefror

Aberystwyth - 10 Mawrth

Llandrindod - 11 Mawrth

Bedwas - 19 Ebrill

Llandudno - 4 Mai

Os hoffech gael rhagor o wybodaeth, cysylltwch â'r aelod staff sy’n gyfrifol am y Gwasanaeth eGaffael (ePS) neu anfon e-bost at eProcurementService@wales.gsi.gov.uk.

Digwyddiad Cangen De Cymru Sefydliad Siartredig Caffael a Chyflenwi (CIPS) - Chwilio am y Greal Sanctaidd ar gyfer Rheoli Categorïau

Bydd Mike Utting, Rheolwr Gyfarwyddwr Springtide, yn cyflwyno ei ddealltwriaeth fanwl o fethodoleg ac ymarfer ym maes rheoli categorïau a sut mae modd defnyddio hyn i sicrhau’r gwerth a'r canlyniadau gorau i randdeiliaid.

Dyddiad: Dydd Iau, 25 Chwefror
Amser: 6pm (cofrestru o 5:30pm ymlaen)
Lleoliad: Jury's Inn, Caerdydd

I gadw lle yn y digwyddiad, cofrestrwch drwy wefan CIPS.

Os hoffech ddad-danysgrifio o Newyddion y GCC,

e-bostiwch: Bethan.Williams13@cymru.gsi.gov.uk

Cysylltu â ni 

Mae ein gwefan yn fyw ac mae’n rhoi trosolwg o’r sefydliad, ei strwythur a’i drefniadau llywodraethu, cysylltiadau allweddol a gwybodaeth a chyfeiriadau defnyddiol eraill. Bydd y wefan yn parhau i dyfu wrth iddi gael ei datblygu’n ffenestr siop go iawn ar gyfer y GCC a’n gwasanaethau.

Wefan: www.nps.gov.wales / www.gcc.llyw.cymru

Rhif ffôn: 0300 7900 170 

e-bost: gwasanaethcaffaelcenedlaethol@cymru.gsi.gov.uk

@gcccymru

National Procurement Service

             Dewisiadau  |  Help  |  Dileu fy nghyfrif