Mae Gogledd Cymru yn lle pwysig iawn o ran ynni

Ar drothwy agoriad swyddogol Gwynt y Môr – y fferm wynt ar y môr fwyaf ond un yn y byd – dywedodd y Prif Weinidog Carwyn Jones fod y Gogledd yn lle pwysig iawn o ran ynni.

Mae 160 o dyrbinau yn cynhyrchu 576MW o drydan carbon isel yng Ngwynt y Môr. Gall ddarparu pŵer ar gyfer 400,000 o gartrefi, sy’n gyfwerth â thraean yr aelwydydd yng Nghymru. 

Darllen rhagor

Ymestyn Ffiniau Parth Menter Ynys Môn Bydd ffiniau Parth Menter Ynys Môn yn cael eu hymestyn i fanteisio i'r eithaf er mwyn sicrhau’r buddiannau economaidd mwyaf posibl ar gyfer y rhanbarth, a bydd yn cynnwys parth ynni adnewyddadwy morol newydd ar safle Parc Gwyddoniaeth Menai. Mae'r safleoedd newydd yn cynnwys Parth Arddangos Gorllewin Ynys Môn, darn 37 cilomedr sgwâr o wely'r môr oddi ar arfordir gorllewinol Ynys Môn, a Chefn Du, y safle 21 hectar yng Ngaerwen a glustnodwyd ar gyfer Parc Gwyddoniaeth Menai.  Gwnaethpwyd y cyhoeddiad gan Edwina Hart, Gweinidog yr Economi, a gynhaliodd gyfarfod o gadeiryddion y Bwrdd Menter yng ngogledd Cymru.  Darllen rhagor Llun: trwy garedigrwydd Gerallt Llewelyn

Caniatáu gorsaf bŵer nwy newydd Mae Hirwaun Power Ltd wedi cael caniatâd gan yr Adran Ynni a Newid Hinsawdd ar gyfer ei brosiect i adeiladu gorsaf bŵer nwy gwerth £200 miliwn ger Aberdâr, de Cymru. Bydd yr orsaf yn gweithredu fel "safle cyflenwi ar adegau prysur" yn darparu cyflenwad wrth gefn ar gyfer dulliau cynhyrchu ynni adnewyddadwy ysbeidiol ac yn creu 150 o swyddi adeiladu, a hyd at 15 o swyddi parhaol a medrus. Darganfod rhagor

Cymeradwyo Cyfleuster Adennill Ynni Parc Adfer Mae Wheelabrator Technologies Inc wedi cael caniatâd i barhau â Chyfleuster Adennill Ynni Parc Adfer ar Barc Diwydiannol Glannau Dyfrdwy gan Bwyllgor Cynllunio a Rheoli Datblygu Cyngor Sir y Fflint. Darllen rhagor Mae busnesau sydd â diddordeb yn y cyfleoedd i fod yn rhan o'r gadwyn gyflenwi sy'n cael eu datgloi gan Parc Adfer, y cyfleuster adennill ynni newydd ar gyfer gogledd Cymru, yn cael eu gwahodd i fynd i ddigwyddiad Cwrdd â'r Prynwr sy'n cael ei drefnu gan Wheelabrator Technologies yng Ngholeg Cambria ar 20 Hydref. Mae rhagor o wybodaeth ar gael yma ac i fynegi eich diddordeb i fynd i'r digwyddiad, anfonwch e-bost yma.  Delwedd – Argraff artist o Gyfleuster Adennill Ynni Parc Adfer

Ymgynghoriad ar strategaeth ddrafft effeithlonrwydd ynni  Hoffem gael eich barn ar sut y gallem wella effeithlonrwydd ynni yng Nghymru.  Mae rhaglen effeithlonrwydd ynni Llywodraeth Cymru wedi cael effaith sylweddol hyd yn hyn, a thrwy nodi ein cyfeiriad hirdymor yn y Strategaeth Effeithiolrwydd Ynni gyntaf i Gymru, mae gennym y cyfle i ymgysylltu'n ehangach.  Galwyd am dystiolaeth ym maes effeithlonrwydd ynni er mwyn ceisio barn rhanddeiliaid, ac mae dogfen sy'n nodi’r ymatebion ac yn rhannu canlyniadau'r alwad am dystiolaeth bellach wedi'i chyhoeddi. Bellach, hoffem roi'r cyfle i chi lywio'r strategaeth derfynol.  Darllen rhagor

Cyfleoedd ym maes ynni morol, rheoli gwastraff ac ailgylchu a gwasanaethau proffesiynol Mae'r sector Ynni a'r Amgylchedd yng Nghymru yn ddynamig ac yn symud yn gyflym. I gael rhagor o wybodaeth am y cyfleoedd yng Nghymru ym maes ynni morol, rheoli gwastraff a gwasanaethau proffesiynol, gweler ein pamffledi newydd. Gallwch eu gweld yma.

Y Gorau ym maes Ynni a'r Amgylchedd yng Nghymru Ydych chi'n adnabod y bobl eithriadol yn y sector Ynni a'r Amgylchedd? Y bobl sy'n cyflawni pethau rhyfeddol ac yn gwneud gwahaniaeth go iawn? Os ydych, dyma'ch cyfle i'w henwebu ar gyfer Gwobrau Dewi Sant – y clod mwyaf a roddir gan Lywodraeth Cymru i unigolion a thimau rhagorol sy'n haeddu cydnabyddiaeth genedlaethol. Rydym yn arbennig o awyddus i sicrhau bod y llwyddiannau a'r ysgogwyr a chynhyrfwyr mwyaf yn y sector Ynni a'r Amgylchedd yn cael eu hystyried ar gyfer Gwobrau Dewi Sant am Fenter ac Arloesedd a Thechnoleg. Mae 7 Categori Gwobr arall sef Dewrder, Diwylliant, Dinasyddiaeth, Rhyngwladol, Chwaraeon, Person Ifanc yn ogystal â Gwobr Arbennig y Prif Weinidog. Dyma'r amser i fynd amdani – gallwch enwebu ar-lein tan 27 Hydref 2014 yma.

RenewableUK 2015, Lerpwl – 6-8 Hydref 2015

Bydd Uned Ynni Cymru Llywodraeth Cymru yn arddangos yng Nghynhadledd Flynyddol RenewableUK, sef digwyddiad blaenllaw'r sefydliad sy'n cwmpasu ynni gwynt ar y tir ac ar y môr a systemau gwynt bach a chanolig. Fel rhan o'n presenoldeb, rydym yn awyddus i recriwtio cwmnïau a sefydliadau o Gymru i arddangos ar y cyd â ni.

Hon fydd 37ain cynhadledd ac arddangosfa flynyddol RenewableUK lle bydd dros 3,500 o gynrychiolwyr, 200 o arddangoswyr a 150 o siaradwyr arbenigol yn dod ynghyd.

Darganfyddwch ragor ac i fynegi eich diddordeb, llenwch y datganiad o ddiddordeb yma a'i ddychwelyd erbyn canol dydd, ddydd Mawrth 1 Medi at Peter Freeth

Digwyddiad Gwres a Phŵer Cyfunedig a Gwresogi ac Oeri Ardal i randdeiliaid, Caerdydd – 21 Medi 2015, 11am

Bu Llywodraeth Cymru yn gweithio gyda'r Adran Ynni a Newid Hinsawdd i lunio Asesiad Cynhwysfawr Cenedlaethol o’r potensial ar gyfer gwres a phŵer cyfunedig a gwresogi ac oeri ardal yn y DU. Bydd hyn yn cymharu amrywiaeth o opsiynau effeithlon o ran cyflenwi gwres ac oeri er mwyn nodi'r atebion mwyaf effeithlon o ran adnoddau a chost i ddiwallu anghenion gwresogi ac oeri.

Bydd y digwyddiad yn cyflwyno'r fethodoleg a'r tybiaethau a ddefnyddir i lunio'r asesiad a'r canlyniadau rhagarweiniol ac yn ceisio barn rhanddeiliaid, a bydd yn cynnwys cyflwyniad ar brofiad Denmarc o wresogi ardal, sef un o'r cenhedloedd mwyaf llwyddiannus o ran lledaenu rhwydweithiau gwres carbon-isel. Mae Llywodraeth Cymru yn gweithio gyda chynrychiolwyr o Lywodraeth Denmarc i weld a oes modd defnyddio'u profiad o wresogi ardal i ddatblygu rhwydweithiau gwres yng Nghymru.

Darganfod rhagor. Mynegwch eich diddordeb i fod yn bresennol trwy anfon e-bost at Robert Wilson.

Ynni Clyfar Cymru, Stadiwm SWALEC, Caerdydd – 16 Medi 2015 

Cynhelir sesiwn wybodaeth amser brecwast ar 16 Medi i nodi'r cyngor a'r cymorth sydd ar gael i arloesi gan Innovate UK ac Ynni Clyfar Cymru.

Mae Uned Ynni Cymru a thîm Arloesi Llywodraeth Cymru yn gweithio gyda RenewableUK i ddarparu rhaglen undydd sy'n canolbwyntio ar nodi cyfleoedd ym maes ynni clyfar, storio clyfar, gridiau clyfar ac yn y pen draw, byw'n glyfar. 

Bydd y siaradwyr yn cynrychioli busnesau datblygu arloesol megis Riversimple Engineering i gwmnïau o'r radd flaenaf megis IBM ac ARUP, yn ogystal â'r Energy Storage Network, yr Energy Technologies Institute, Dŵr Cymru a Nwy Prydain. Prif siaradwr y digwyddiad fydd Carl Sargent AC, y Gweinidog Cyfoeth Naturiol.

Darganfod rhagor.

Resources Efficiency & Waste Management Solutions, NEC, Birmingham – 15-17 Medi 2015

RWM yw prif ddigwyddiad Ewrop ar gyfer atebion ym maes effeithlonrwydd adnoddau a rheoli gwastraff. Dyma'r unig ddigwyddiad o'i fath, sy'n cynnwys pob agwedd ar yr hierarchaeth wastraff. Mewn partneriaeth â'r Sefydliad Siartredig Rheoli Gwastraff, mae'n cwmpasu pob elfen o'r diwydiant a chaiff ei lywio ar sail gofynion y sector hwn sy'n tyfu'n gyflym. 

Bydd Uned Ynni Cymru Llywodraeth Cymru yn croesawu 6 busnes o Gymru ar ein stondin yn y digwyddiad gan gynnwys Wheelabrator Technologies Inc, GD Environmental Ltd, Glastech Ltd, Refgas, Salvtech Ltd a Technlan Ltd a byddai'n bleser gennym gyfarfod â chi i drafod eich busnes. 

Ymwelwch â ni ar Stondin 4K10, a gallwch gael rhagor o wybodaeth yma.

Energy Catalyst – Rownd 4, Hwb Gwyddorau Bywyd, Caerdydd – 3 Tachwedd 2015

Sefydlwyd Energy Catalyst gan Innovate UK, y Cyngor Ymchwil Peirianneg a'r Gwyddorau Ffisegol a'r Adran Ynni a Newid Hinsawdd. Mae'n darparu buddsoddiad a chymorth gyda hyd at £10 miliwn ar gael ar gyfer y drydedd rownd, a rhagor o gyllid yn y bedwaredd rownd.

Mae Energy Catalyst yn agored i fusnesau ac ymchwilwyr arloesol sy'n gallu mynd i'r afael â'r tair prif her sy'n wynebu'r sector ynni – lleihau allyriadau, gwella diogelwch cyflenwadau a lleihau costau.

Bydd y digwyddiad yn cynnwys nifer cyfyngedig o slotiau ar gyfer cyflwyniadau 2 funud at ddibenion datblygu consortiwm. Gallwch gofrestru ar-lein a chewch dempled 2 dudalen dros e-bost i'w ddefnyddio. 

Gallwch gael rhagor o wybodaeth am ddigwyddiad Energy Catalyst a chofrestru ar gyfer y gystadleuaeth ar dudalen gystadleuaeth Innovate UK neu dudalen grŵp Energy Catalyst KTN.

Cyfradd cyflogaeth uwch nag erioed yng Nghymru

Wrth wneud sylw ar Ystadegau'r Farchnad Lafur sydd newydd eu cyhoeddi, dywedodd y Prif Weinidog Carwyn Jones: 

"Mae ffigurau heddiw'n dangos cyfradd cyflogaeth uwch nag erioed yng Nghymru gan ein bod wedi perfformio'n well na phob rhan arall o'r DU. Dros y chwarter diwethaf, rydym wedi gweld 42,000 yn fwy o bobl mewn gwaith yng Nghymru, o gymharu â'r DU lle lleihaodd y gyfradd cyflogaeth dros yr un cyfnod. 

"Mae diweithdra yng Nghymru hefyd wedi lleihau 9,000, yn wahanol i'r sefyllfa ar hyd a lled y DU lle mae diweithdra'n cynyddu. Mae anweithgarwch economaidd wedi parhau i leihau ar gyfradd gyflymach yng Nghymru na gweddill y DU, lle mae'n sefydlog."

Cyhoeddi Economi Cymru: mewn rhifau 

Mae Economi Cymru yn perfformio'n eithaf da dros y tymor canolig o gymharu â llawer o rannau eraill o'r DU ac mae'n gwella lles dinasyddion yng Nghymru yn sylweddol, yn ôl gwefan newydd sy'n cael ei lansio heddiw.

Mae 'Economi Cymru: mewn rhifau' yn rhoi darlun eang, manwl a hygyrch o economi Cymru a chanlyniadau economaidd yng Nghymru. Mae'n rhoi darlun cyflawn am y tro cyntaf o berfformiad economaidd ar gyfer wyth dangosydd allweddol – gan eu cymharu â rhannau eraill o'r DU a hynny dros gyfnod o amser. 

Darllen rhagor

Dilynwch ni ar @WG_economy

Bellach gallwch gael yr wybodaeth ddiweddaraf am adran yr Economi, Gwyddoniaeth a Thrafnidiaeth Llywodraeth Cymru a chysylltu â ni trwy ein dilyn ar Twitter.