Bwrdd Cynghori ar Wyddoniaeth i reoli Cronfa Bontio gwerth £3 miliwn ar gyfer Gwyddorau Bywyd

Mae tîm o unigolion hynod o brofiadol, sy’n cael eu cydnabod yn arbenigwyr yn eu meysydd, wedi’u penodi i Fwrdd Cynghori Gwyddonol newydd ar gyfer y Gronfa Bontio Gwyddorau Bywyd.

Bydd y Bwrdd, a gyhoeddwyd gan Edwina Hart, Gweinidog yr Economi a Gwyddoniaeth, yn rhoi cyngor ar y modd y bydd y Gronfa gwerth £3 miliwn yn cael ei rheoli a’i gweithredu ar ran Canolfan Gwyddorau Bywyd Cymru.

Darllenwch fwy 

Cwmnïau o Gymru wedi ennill contractau gwerth £1.4m ar daith fasnach Llywodraeth Cymru i Medica 2014 Mae’r cwmnïau Gwyddorau Bywyd o Gymru a aeth ar daith fasnach Llywodraeth Cymru i gynhadledd Medica y llynedd wedi ennill contractau gwerth dros £1.4m yn barod, ac mae rhagor i ddod. Cyhoeddir y newyddion da wrth i’r ceisiadau agor ar gyfer digwyddiad 2015 (a gynhelir 16-19 Tachwedd). Rhaid i’r cwmnïau sydd â diddordeb gofrestru cyn 17 Gorffennaf; os byddant yn gymwys, gallant gael hyd at 50% o gymhorthdal gan Lywodraeth Cymru ar gyfer y daith. Darllenwch fwy Darllenwch y daflen yma am ragor o wybodaeth am y pecynnau ymwelwyr, rhagor o fanylion am y cymorth sydd ar gael i gwmnïau cymwys o Gymru a sut i ymgeisio.

Cwmni Gwyddorau Bywyd yn ehangu yng Nghymru – wrth i fewnfuddsoddi dorri pob record Mae Carwyn Jones, Prif Weinidog Cymru, wedi cyhoeddi bod mewnfuddsoddi wedi torri pob record. Daw’r newydd hwn wrth i Ortho-Clinical Diagnostics, Inc, sef cwmni blaengar o’r Unol Daleithiau, gadarnhau ei fod wedi ehangu ei safle ym Mhencoed yn dilyn buddsoddiad o £4.6 miliwn gyda chymorth Llywodraeth Cymru. Darllenwch fwy

PRA Health Services yn creu swyddi yn Abertawe Mae PRA Health Sciences - sefydliad blaenllaw byd-eang ym maes ymchwil glinigol - yn ehangu am yr ail waith yn Abertawe, gan greu bron 90 o swyddi newydd gyda chymorth gan Lywodraeth Cymru. Darllenwch fwy

Neem Biotech yn ehangu ac yn creu swyddi newydd ar gyfer treial clinigol cyntaf Mae Neem Biotech yn paratoi i lansio ei dreial clinigol cyntaf ar gyfer cyffur a ddyluniwyd i helpu pobl sydd â ffeibrosis systig. Mae’r cwmni o Abertyleri, a agorodd ei gyfleuster newydd yn ddiweddar, yn cael ei gefnogi gan £225,000 o gyllid busnes gan Lywodraeth Cymru. Darllenwch fwy

Pentref Arloesi cyntaf GE Healthcare yn y Deyrnas Unedig Mae Edwina Hart, Gweinidog Economi, Trafnidiaeth a Gwyddoniaeth Cymru, a Kieran Murphy, Llywydd a Phrif Swyddog Gweithredol GE Healthcare, wedi agor cam cyntaf campws newydd GE Healthcare. Yn gampws ar gyfer busnesau sy’n tyfu sy’n datblygu dulliau a thechnegau ar gyfer y diwydiant gwyddorau bywyd byd-eang, mae'r campws wedi derbyn £367,000 gan raglen Arloesi Agored Llywodraeth Cymru a Chronfeydd Datblygu Rhanbarthol Ewropeaidd. Darllenwch fwy

Buddsoddi £18 miliwn mewn ymchwil iechyd a gofal cymdeithasol Bydd prosiectau ymchwil mawr ym meysydd canser, iechyd y cyhoedd, gofal sylfaenol a brys, iechyd meddwl ac effeithiau heneiddio yn elwa ar fuddsoddiad o £18 miliwn gan Lywodraeth Cymru. Darllenwch fwy

Disgwyl i Ganolfannau Therapi Pelydrau Proton Cyntaf y Deyrnas Unedig 'Drawsnewid' Gofal Canser Yn ddiweddar, cynhaliodd yr Hwb Gwyddorau Bywyd ddigwyddiad cynllunio a datblygu ar gyfer canolfannau therapi pelydrau proton cyntaf y Deyrnas Unedig, a fydd yn nodi dechrau cyfnod newydd o ddarpariaeth gofal canser. Darllenwch fwy

Sphere Medical ar fin adleoli i Gymru

Bydd Sphere Medical o Gaergrawnt yn symud ei waith cynhyrchu i Gymru ar ôl dyroddiad ecwiti codi arian o £12 miliwn.

Mae'r cwmni, sy'n arbenigo mewn monitro gwaed ac offer diagnostig, eisoes wedi sicrhau £4 miliwn o gefnogaeth o Gronfa Fuddsoddi Gwyddorau Bywyd Cymru Llywodraeth Cymru, sy’n werth £100 miliwn. Ac mae £4 miliwn yn rhagor wedi cael ei ymrwymo gan Woodford Investment Management. Bydd gwaith arfaethedig i gynyddu graddfa ei weithrediadau yn arwain at gyflogi 30 o weithwyr medrus iawn yn ei gyfleuster cynhyrchu'r flwyddyn nesaf.

Darllenwch fwy

Y Gweinidog Gwyddoniaeth yn agor Cyfleuster Sbectromedreg Màs Cenedlaethol

Mae Edwina Hart, Gweinidog yr Economi, Gwyddoniaeth a Thrafnidiaeth, wedi agor Cyfleuster Sbectromedreg Màs Cenedlaethol y Deyrnas Unedig (NMSF) y Cyngor Ymchwil Peirianneg a Gwyddorau Ffisegol (EPSRC) yn swyddogol ym Mhrifysgol Abertawe, ar ôl iddo gael contract gwerth £3 miliwn i gynnal gwaith adnewyddu yn ddiweddar.

Darllenwch fwy

Innovate UK yn buddsoddi hyd at £1 miliwn mewn Partneriaethau Trosglwyddo Gwybodaeth newydd

Mae Innovate UK yn buddsoddi hyd at £1 miliwn i sefydlu Partneriaethau Trosglwyddo Gwybodaeth newydd i ddatblygu dulliau modelu i gefnogi'r defnydd o feddyginiaeth haenedig yn y Deyrnas Unedig, ar draws biowybodeg, bioleg systemau, economeg iechyd ac algorithmau dadansoddol.

Rhagor o wybodaeth

Hwb ar gyfer cwmnïau Technolegau Meddygol sy'n datblygu cynnyrch y genhedlaeth nesaf

Mae chwech o gwmnïau Technolegau Meddygol bach neu newydd hynod arloesol yng Nghymru wedi'u dewis ar gyfer cyllid Ymchwil a Datblygu gwerth £600,000 gan Innovate UK, cwmni arbenigwyr arloesi o Brydain, i ddatblygu a masnachu'r genhedlaeth nesaf o ddyfeisiau a chynnyrch yn y maes technolegau meddygol.

Daw'r cyhoeddiad yr un pryd ag ymweliad Dr Ruth McKernan, Prif Weithredwr newydd Innovate UK, â Chaerdydd, i ddod i wybod mwy am y maes arloesi yng Nghymru.  Bydd hefyd yn cyfarfod unigolion allweddol, gan gynnwys Edwina Hart, Gweinidog yr Economi, Gwyddoniaeth a Thrafnidiaeth, Ysgrifennydd Gwladol Cymru, a Phrif Gynghorydd Gwyddonol Cymru.

Darllenwch fwy

Carreg filltir o bwys wrth adeiladu canolfan ddelweddu gwerth £44 miliwn sy’n ymchwilio i’r ymennydd

Mae gwaith adeiladu canolfan ddelweddu newydd gwerth £44 miliwn ym Mhrifysgol Caerdydd sy'n ymchwilio i'r ymennydd (CUBRIC), fydd yn arwain Ewrop wrth helpu gwyddonwyr i ddeall achosion cyflyrau'r ymennydd, wedi cyrraedd carreg filltir o bwys.

Darllenwch fwy

Darganfyddiad asthma newydd gan ymchwilwyr o Brifysgol Caerdydd

Am y tro cyntaf, mae gwyddonwyr Prifysgol Caerdydd wedi amlygu gwraidd posibl asthma yn ogystal â chyffur parod sy'n cynnig triniaeth newydd.

Darllenwch fwy

Alesi Surgical yn sicrhau buddsoddiad o £2.1 miliwn

Mae Alesi Surgical (Asalus Medical Instruments Limited, gynt) wedi sicrhau cyllid ychwanegol o £2.1 miliwn i fasnacheiddio ymhellach ei brif gynnyrch, UltravisionTM, a ddatblygwyd o'r cysyniad gwreiddiol yn ddyfais o safon CE gyda chymorth yr IP Group a Cyllid Cymru.

Darllenwch fwy

Cynllun atgyfeirio newydd i roi cyllid a chymorth i fusnesau newydd

Mae Edwina Hart, Gweinidog yr Economi, wedi lansio cynllun peilot newydd er mwyn cynyddu nifer y busnesau newydd yng Nghymru sy’n cael cyllid a chymorth angenrheidiol i dyfu. Datblygwyd y cynllun peilot gan Busnes Cymru, NatWest a Cyllid Cymru, a bydd yn rhedeg am gyfnod o 12 mis yn y lle cyntaf.

Darllenwch fwy

Rhyddhad cyfradd fusnes ar gyfer manwerthwyr Cymru yn cael ei ymestyn a’i gynyddu

Mae Edwina Hart, Gweinidog yr Economi, wedi cyhoeddi ymestyniad Cynllun Rhyddhad Manwerthu Cymru, a chynnydd yn uchafswm y budd sydd ar gael i £1,500 yn 2015-16.

Darllenwch fwy

Datganoli trethi annomestig yn llawn yn creu’r garreg filltir fawr gyntaf ar gyfer datganoli cyllidol

Creodd datganoli trethi annomestig yn llawn yng Nghymru o 1 Ebrill y garreg filltir fawr gyntaf ar gyfer datganoli cyllidol yng Nghymru, yn ôl Gweinidog Cyllid a Busnes y Llywodraeth, Jane Hutt.

Darllenwch fwy

Gwefan newydd GwerthwchiGymru 

Ydych chi wedi ymweld â phorthol gwybodaeth a chaffael newydd GwerthwchiGymru? Wedi’i sefydlu gan Lywodraeth Cymru, mae’n helpu busnesau i ennill cytundebau gyda’r sector cyhoeddus drwy Gymru ac mae’n galluogi prynwyr y sector cyhoeddus i hysbysebu a rheoli cyfleoedd tendro.  Ar y safle, byddwch yn gweld cytundebau ar gyfer nwyddau a gwasanaethau’r sector cyhoeddus o amrediad eang o sefydliadau a ariennir yn gyhoeddus, yn cynnwys Llywodraeth Cymru, awdurdodau lleol, Ymddiriedolaethau GIG, colegau a phrifysgolion.

BioCymru 2016, 1-2 Mawrth 2016, Canolfan Mileniwm Cymru, Caerdydd

Ewch i BioCymru 2016 i glywed gan brif siaradwyr, arbenigwyr y diwydiant a buddsoddwyr mewn gwyddorau bywyd, cymerwch olwg ar y man arddangos, gwnewch gysylltiadau newydd a nodwch gyfleoedd busnes newydd.

Rhagor o wybodaeth am BioCymru.

Wythnos GREAT Gofal Iechyd a Gwyddorau Bywyd - Expo Milan - 29-30 Medi, Milan

Mae Wythnosau GREAT yn gyfres o deithiau masnach sy’n cyd-daro ag Expo’r Byd eleni ym Milan, gan gynnig cyfle rhagorol i gwmnïau yn y Deyrnas Unedig gwrdd â phrynwyr mawr, partneriaid posibl a chyfleoedd busnes sylweddol o bedwar ban byd.

Cynhelir Dyfodol Seminarau Iechyd yn ystod Wythnos Iechyd a Gwyddorau Bywyd y Deyrnas Unedig.

Rhagor o wybodaeth

Dyddiadau i’r dyddiadur –

8 Gorffennaf 2015 - Sioe Deithiol Gofal Iechyd a Gwyddorau Bywyd Tsieina yn Hwb Gwyddorau Bywyd Cymru, Caerdydd
Cofrestru ar gyfer y digwyddiad hwn
29 Medi 2015 - Venturefest, Caerdydd – Rhagor o wybodaeth
Tymor yr hydref 2015 – Ymgyrch fasnach aml-sector, Budapest, Hwngari – Cofrestrwch eich diddordeb yn y digwyddiad hwn
25-28 Ionawr 2016 - Iechyd Arabaidd, Dubai – digwyddiad i’r Sector Gwyddorau Bywyd -   Cofrestrwch eich diddordeb
1-2 Mawrth 2016 - BioCymru, Caerdydd, Rhagor o wybodaeth 

Dilynwch ni ar @WG_economy

Nawr gallwch gael y diweddaraf am Adran Economi, Gwyddoniaeth a Thrafnidiaeth Llywodraeth Cymru ac ymgysylltu â hi drwy ein dilyn ni ar Twitter